كل شاب مصرى عاطل هو طاقة مهدورة فى هذا البلد ولا تتقدم الأمم إلا بسواعد ابنائها والمشكلة ان نسبة البطالة المرتفعه فى مصر أغلبها ان لم تكن كلها من الشباب القادرون على العمل وحلول البطالة كثيرة جداً وفى منتهى السهولة ولكن المشكلة الفعلية تكمن فى التجاهل الحكومة أو تعيين مسئولين فى منتهى الفشل كعائشة عبد الهادى مثلاً(وزيرة القوى العاملة السابقة والحاصلة على الشهادة الاعدادية) والتى كانت تطالب الشباب الحاصلين على المؤهلات العليا بالعمل كأمن أو يسرحو ببطاطه.
كل عمل شريف مافيهوش عيب بس العيب ان الكلام ده يصدر من وزيره كل شى كان او سفوله فى الاسكلتش.
اللى درس إقتصاد او قرا كتاب عن الاقتصاد يعرف مدى فشل مسئولى الاقتصاد فى مصر انا عن نفسى قريت كتاب
"The economics of money, banking, and financial markets".
ولقيت اننا مش بنطبق ولا قاعدة او نظرية من النظريات الاقتصادية العامة على العكس بنخالفها تماما وكأن الأمر مقصود!
طيب لو حبينا نحل مشكلة البطالة فى مصر نعمل ايه؟؟؟؟
دى بعض الأفكار لحل مشكلة البطالة المصرية الفيثاغورسية:
1-الاحلال والتجديد فى الجهاز الحكومى.
2-الاهتمام بأفكار الشباب الخلاقه ودراستها. زى الفكرة دى مثلاً.وغيرها كتيييييييييييييييير.
3-موارد البلد وهى كتيرة جداً اللى كانت بتتوزع على شلة الحرامية (واللى مش عارفين بتروح فين دلوقتى) تستخدم فى عمل مشاريع صناعية جديدة تساعد فى تقدم البلد وتشغيل الشباب.
4-انشاء أجهزة رقابية جديدة أو التوسع فى الأجهزة القائمة حالياً لمراقبة الأسواق والسيطرة على الارتفاع الجنونى فى الأسعار.
واعتقد ان العالم كله مش المصريين بس شاف شباب مصر ممكن يعمل ايه؟
كلنا شاركنا فى الثورة العظيمة واللجان الشعبية كانت ملحمة واقسم بالله مسكنا مجرمين مسلحين الشرطة نفسها ماكانت تقدر تمسكهم.
يبقى نظرة حق للشباب المصرى المظلوم ونتقى الله فيهم شوية ونديهم حقهم اللى اتحرمو واللى لسه محرومين منه.
No comments:
Post a Comment